Franca ka filluar tërheqjen e ushtrisë së saj nga Çadi me nisjen e dy avionëve luftarakë që ishin bazuar në kryeqytetin N’Djamena, tha ushtria franceze, dy javë pasi Çadi tha se po i jepte fund bashkëpunimit të saj të mbrojtjes me Parisin.
Në një lëvizje të befasishme, qeveria e Çadit – një aleate e Perëndimit në luftën kundër militantëve në rajon – i dha fund paktit të bashkëpunimit në mbrojtje më 28 nëntor.
Kushtet e tërheqjes dhe nëse ndonjë trupë franceze do mbetet tërësisht në vendin e Afrikës Qendrore ende nuk janë rënë dakord, por të martën avionët e parë luftarakë Mirage u kthyen në bazën e tyre në Francën lindore.
“Kjo shënon fillimin e kthimit të pajisjeve franceze të stacionuara në N’Djamena,” tha zëdhënësi i ushtrisë, kolonel Guillaume Vernet pasi dy avionë luftarakë Mirage u larguan nga Çadi.
Franca tashmë ka tërhequr ushtarët e saj nga Mali, Burkina Faso dhe Nigeri pas grushteve të shtetit në këto vende të Afrikës Perëndimore dhe përhapjes së ndjenjave anti-franceze.
Largimi nga Çadi do t’i japë fund dekadave të pranisë ushtarake franceze në rajonin e Sahelit dhe do t’i japë fund operacioneve të drejtpërdrejta ushtarake franceze kundër militantëve atje.
Franca ka ende rreth 1000 trupa në Çad. Vernet tha se një kalendar për tërheqjen e trupave do marrë javë derisa të përmbyllet me sukses.
Nuk kishte të dhëna se Parisi mori njoftim paraprak për vendimin e Çadit për t’i dhënë fund bashkëpunimit të tij në mbrojtje, megjithëse një i dërguar francez te presidenti Emmanuel Macron dha një raport muajin e kaluar që përmbante propozime se si Franca mund të reduktonte praninë e saj ushtarake në Çad, Gabon dhe Bregun e Fildishtë.
