Nënstacioni elektrik në “Draçin” është përfshirë nga flakët paraditen e sotme. Raportohet se zjarri ra për shkak të një shkëndije në kabinën elektrike të një pallati në rrugën “Vëllezërit Frashëri”.
Nga zjarret ka vetëm dëme materiale, ndërsa po hetohet për të dokumentuar shkaqet e këtyre rasteve.
Njoftimi i policisë:
Shkodër/Informacion paraprak
Rreth orës 11:30, dyshohet se për shkak të shkëndijës elektrike ka rënë zjarr në kabinën elektrike të një pallati në rrugën “Vëllezërit Frashëri”.
Shkëndija në kabinë ka shkaktuar masë elektrike në nënstacionin elektrik në vendin e quajtur “Draçin”. Si pasojë, në nënstacion është ndezur zjarr dhe përhapja e flakëve ka shkaktuar zjarr dhe në magazinën në pronësi të shtetases R. L., 34 vjeçe, objekt që ndodhet në afërsi të nënstacionit. Nga zjarret ka vetëm dëme materiale.
Shërbimet e Policisë po bashkëpunojnë me zjarrfikësit, për të mundësuar shuarjen e zjarreve.
Ndërkaq, grupi hetimor, nën drejtimin e prokurorit, po heton për të dokumentuar shkaqet e këtyre rasteve.
