Udhëheqësit evropianë po planifikojnë të takohen të mërkurën në mbrëmje në Bruksel me presidentin ukrainas Volodymyr Zelenskyy dhe shefin e NATO-s Mark Rutte për të diskutuar planet e paqes dhe dislokimin e mundshëm të forcave paqeruajtëse në Ukrainë.
Takimi vjen pas presionit nga presidenti i zgjedhur i SHBA-së, Donald Trump, që vendet evropiane të monitorojnë çdo marrëveshje të ardhshme paqeje midis Kievit dhe Moskës duke dërguar trupa në Ukrainë, thanë për POLITICO pesë persona me njohuri për takimin.
Përveç Rutte dhe Zelenskyy, pjesëmarrësit e ftuar përfshijnë: kancelarin gjerman Olaf Scholz, presidentin francez Emmanuel Macron, presidentin polak Andrzej Duda, presidenti i Këshillit Evropian António Costa dhe presidentja e Komisionit Evropian Ursula von der Leyen.
Lajmin e raportoi fillimisht Agjencia Polake e Shtypit. Reuters raportoi se kryeministrja italiane Giorgia Meloni dhe kryeministri i Mbretërisë së Bashkuar Keir Starmer gjithashtu do të marrin pjesë.
Zëdhënësit e Scholz, von der Leyen Macron, Costa dhe Rutte nuk arritën të kontaktoheshin ose refuzuan të komentonin.
Takimi do të organizohet në margjinat e samitit BE-Ballkani Perëndimor të mërkurën pasdite, për të cilin liderët e BE-së do të udhëtojnë për në Bruksel.
Macron udhëtoi për në Varshavë të enjten për të diskutuar dërgimin e forcave paqeruajtëse në Ukrainë, por u bllokua nga kryeministri polak Donald Tusk.
