Presidenti i Shqipërisë, Bajram Begaj, ka reaguar pas sulmit terrorist në Magdeburg të Gjermanisë, ku humbën jetën të paktën 4 persona. Ai e ka quajtur këtë sulm një akt frikacak dhe të pajustifikueshëm, duke theksuar se duhet të dënohet në termat më të ashpër.
“Sulmi i tmerrshëm ndaj qindra njerëzve paqësorë në tregun e Krishtlindjeve në Magdeburg të Gjermanisë duhet të dënohet në termat më të ashpër si një akt frikacak, jo dinjitoz dhe i pajustifikueshëm.
Shqipëria qëndron me vendosmëri me popullin e Magdeburgut dhe të gjithë Gjermanisë me këtë rast dhe shpreh ngushëllimet dhe solidaritetin më të thellë me familjet e viktimave”, shprehet Begaj.
