Një çift homoseksual në Xhorxhia, i dënuar për abuzim seksual ndaj dy djemve të tyre të birësuar, do kalojë pjesën tjetër të jetës pas hekurave.
William dhe Zachary Zulock, 34 dhe 36 vjeç, u dënuan secili javën e kaluar me 100 vjet burg pa mundësinë e lirimit me kusht, njoftoi zyra e Prokurorit të Qarkut Walton.
“Këta të pandehur krijuan me të vërtetë një shtëpi tmerresh dhe vendosën dëshirat e tyre jashtëzakonisht të errëta mbi gjithçka dhe mbi të gjithë të tjerët,” tha prokurori Randy McGinley, sipas WSB-TV.
“Megjithatë, thellësia e shthurjes së të pandehurve, e cila është aq e thellë sa nuk mund të përshkruhet me fjalë, nuk është më e madhe se vendosmëria e atyre që luftuan për drejtësinë e viktimave. Vendosmëria që kam parë nga këto dy viktima gjatë dy viteve të fundit është vërtet frymëzuese,” shtoi ai.
Çifti i rriti ata nën maskën e një shtëpie të lumtur në një periferi të pasur të Atlantas. Por jeta e tyre e supozuar perfekte – Zachary punonte në bankë dhe Uilliam ishte punonjës i qeverisë – fshihte një sekret të errët.
Çifti rregullisht i detyronte djemtë të bënin seks me ta dhe filmonin abuzimin për të bërë pornografi pedofilike.
Provat treguan se ata madje mburreshin për abuzimin në bisedat me miqtë e tyre, me një që i tha policisë se Zachary një herë i dërgoi një mesazh Snapchat ku lexonte “Unë do të shkoj të palloj djalin tim sonte. Qëndroni në linjë”, së bashku me pamjet e djalit të dhunuar.
Dhe ata dyshohet se përdorën mediat sociale për t’i përdorur djemtë te të paktën dy burra në një rrjet të degjeneruar seksual pedofilësh.
Çifti u arrestua në vitin 2022 pasi një anëtar i dyshuar i rrjetit u kap duke shkarkuar pornografi për fëmijë dhe ai u tha hetuesve se si çifti i homoseksualëve po bënin pornografi me djemtë e rinj që jetonin në shtëpinë e tyre.
Të dy e pranuan fajësinë për akuzat për ngacmim të rëndë të fëmijëve, sodomi të rënduar e shfrytëzim seksual të fëmijëve.
VINI RE: Ky material është pronësi intelektuale e NY Post
