Pacienti i parë në Mbretërinë e Bashkuar ka kryer me sukses një transplant të dyfishtë të mushkërive duke përdorur një makineri që quhet “mushkëritë në një kuti”. Sistemi XPSTM nga XVIVsO mund të përmirësojë numrin e mushkërive të disponueshme për dhurim, duke ndihmuar ata që aktualisht presin procedurën e shpëtimit.
Pacienti 49-vjeçar Daniel Evans-Smith, iu nënshtrua kësaj procedure në Papëorth Hospital në Kembrixh, Britani. Teknika quhet perfuzion i mushkërive ex-vivo (EVLP); kjo merr mushkëritë e dhuruara që mund të klasifikohen si pak të pranueshme apo të papranueshme dhe i trajton duke i bërë ato gati për dhurim.
“Ndihem shumë i privilegjuar që më është ofruar mundësia për të qenë në këtë pikë,” shpjegoi Evan-Smith muaj pas procedurës në një deklaratë.
“Vitin e kaluar u diskutua se së shpejti mund të kem nevojë për kujdes paliativ. Pa kryer një transplant të mushkërive së shpejti, gjasat ishin që nuk do mbijetoja shumë më gjatë.”
Çfarë është EVLP?
EVLP është një terapi inovative që përdoret gjerësisht në Shtetet e Bashkuara dhe Evropë, por jnë Britani nuk është e zakonshme. Kjo procedurë është një përparim i rëndësishëm në përmirësimin e transplanteve të mushkërive në Britani dhe Royal Papëorth është tani për tani qendra e vetme në Mbretërinë e Bashkuar që po përdor EVLP për rastet klinike. Në disa raste të mëparshme, ajo ishte përdorur në provat klinike.
Pasi hiqet nga dhuruesi, mushkëritë vendosen në akull. Kur mbërrijnë në spitalin e marrësit, ato janë të lidhura me makinerinë, e cila perfuzon dhe ventilon organet e dhuruesit dhe ndihmon në imitimin e trupit të njeriut, me mushkëritë që fryhen dhe shfryhen si zakonisht.
Një lëng i veçantë përdoret për të ruajtur mushkëritë dhe për të ndihmuar në rivendosjen e funksionit normal. Kjo lejon që mushkëritë e dhuruesve të mirëmbahen dhe madje të përmirësohen. Mushkëritë mund të mbahen deri në katër orë, duke lejuar kryerjen e çdo terapie afatshkurtër të kërkuar dhe kryerjen e një vlerësimi të hollësishëm. Nëse mushkëritë funksionojnë me sukses për tre orë, atëherë ato vendosen në akull për transplantim.
“Peizazhi që ndryshon me shpejtësi dhurimin e organeve në Britani ka parë një ndryshim të rëndësishëm në aftësinë për të vlerësuar mushkëritë e dhuruesve. Perfuzioni i mushkërive ex vivo (EVLP) i lejon mjekët të sigurojnë shpërndarjen e organeve me cilësi të lartë për pacientët në listën e pritjes shpjegoi Dr. Jas Parmar, konsulent transplanti në Royal Papëorth.
Rasti i transplantit
Evans-Smith kishte zhvilluar sëmundje pulmonare obstruktive kronike (COPD), një gjendje që shkakton vështirësi në frymëmarrje dhe kufizon vepritarinë e zakonshmee. Ai kishte përjetuar një kolaps të mushkërive pesë herë gjatë fundit të 2023 dhe fillimit të 2024.
Ai u vendos në listën e transplantit të mushkërive gjatë verës, dhe ndërsa ishte ende në spital dhe gati për t’u nxjerrë, u zgjua nga një infermiere e cila i dha lajmin se mushkëritë e përshtatshme për të ishin gjetur.
Operacioni i transplantimit ishte i suksesshëm dhe pasi transplanti përfundoi, Evans-Smith iu nënshtrua rehabilitimit dhe më pas u kthye në shtëpi për shërim.
“Transplantimi tashmë ka bërë një ndryshim të madh. Unë nuk kam pasur deri tani asnjë pneumoni, infeksion në kraharor apo simptoma me të cilat kam vuajtur në vitet e mëparshme, gjë që do varet në vijim nga cilësia e mushkërive,” tha Evans-Smith.
“Unë tashmë mund të eci më larg se më parë, të ngjitem kodrave pa menduar për këtë dhe nuk kam nevojë të pushoj aq shpesh.”
Në Britani, ka shumë njerëz në listën e pritjes për transplantin e mushkërive, e cila tejkalon numrin e organeve të dhuruesve që janë të përshtatshëm. Teknologjitë e reja si kjo mund të përmirësojnë mundësitë e këtyre pacientëve.
