Aktorja Olivia Hussey, e njohur ndërkombëtarisht për rolin e saj si Juliet në versionin e vitit 1968 të “Romeo dhe Juliet”, ka ndërruar jetë në moshën 73-vjeçare.
Hussey, e lindur në Argjentinë dhe e rritur në Londër, vdiq të premten, rrethuar nga të dashurit e saj, sipas një deklarate të postuar në llogarinë e saj në Instagram.
Aktorja fitoi çmimin Golden Globe për aktoren e re më të mirë për rolin e saj si Juliet.
Një tjetër rol i njohur i saj ishte ai i Maria, nënës së Jezusit, në miniserialin televiziv “Jezusi i Nazaretit” të vitit 1977.
Olivia Hussey lindi në Buenos Aires, Argjentinë, në vitin 1951, dhe u transferua në Londër në moshën shtatë vjeçare, ku filloi studimet në shkollën dramatike të Akademisë Italia Conti.
Ajo ishte vetëm 15 vjeç kur regjisori i njohur i filmit “Romeo dhe Zhulieta”, Franco Zeffirelli, e zbuloi në një shfaqje teatrale, duke e ftuar të luante rolin e Zhuljetës. Në atë kohë, ajo ishte duke luajtur përballë Vanessa Redgrave në shfaqjen “The Prime of Miss Jean Brodie”.
Zeffirelli po kërkonte një aktore mjaft të re që do të ishte e besueshme si Zhuljeta në versionin përfundimtar kinematografik të veprës së Shekspirit./BBC
