Presidentja pro-perëndimore e Gjeorgjisë, Salome Zourabichvili, deklaroi se do të largohet nga pallati presidencial, por mbetet udhëheqësja legjitime e vendit, pas refuzimit për t’ia dorëzuar zyrën pasardhësit të saj në një situatë të tensionuar politike.
Deklarata e saj u bë vetëm pak çaste përpara se Mikheil Kavelashvili, një ish-futbollist dhe politikan i ekstremit të djathtë i mbështetur nga partia qeverisëse pro-Moskë dhe gjithnjë e më autoritare “Ëndrra Gjeorgjiane” (GD), të betohej si president në një ceremoni parlamentare, sipas The Guardian.
Të paktën 2,000 protestues pro-BE-së u mblodhën në Tbilisi të dielën përpara inaugurimit të diskutueshëm të presidentit të ri.
Duke iu drejtuar turmës, Zourabichvili, e cila është bërë simbol i kundërshtimit ndaj GD-së, deklaroi:
“Unë mbetem e vetmja presidente legjitime. Do të largohem nga pallati presidencial dhe do të qëndroj pranë jush, duke marrë me vete legjitimitetin, flamurin dhe besimin tuaj.”
Përplasja midis Zourabichvili-t dhe GD-së ka zhytur vendin në një krizë politike pas zgjedhjeve të diskutueshme të tetorit, që GD-ja i fitoi, por që shumë gjeorgjianë besojnë se u manipuluan me ndihmën e Rusisë.
