Sipas ish-deputetit të PD-së Fatbardh Kadilli SPAK po realizon pritshmërinë e shqiptarëe dhe po kap peshqit e mëdhenj.
Ai tha gjithashtu se politika e vjetër e ka mbyllur misionin dhe se Shqipërisë i duhet diçka e re ndryshe nga Rama e Berisha.
“SPAK po realizon pritshmërinë e shqiptarëve. Po realizon premtimin që peshqit e mëdhenj po bien, një nga një në rrjetin e SPAK. Sistemi i ri i drejtësisë është më i miri që kemi pasur, mbi 70% e shqiptarëve janë optimistë se do e pastrojë politikën. SPAK po kap peshqit e mëdhenj dhe ky është vit fatlum për Shqipërinë”, tha ai në Report Tv.
Ai tha se qytetarët duhet të vijojnë të mbështesin SPAK-un dhe ta mbrojnë atë nga politika.
“Shqiptarët duhet të vazhdojnë të mbështesin dhe madje ta marrin në mbrojtje SPAK. Ta mbrojnë nga politika, sepse edhe Rama po shihet që po ndryshon qëndrimin për drejtësinë. Laku te politika po ngushtohet, ta mbrojë nga hipokritët, SPAK është i mirë, sepse këta individë që kanë përballë kanë paranë, forcën, konsulencën, avokatët, përdorin politikën, ndaj edhe SPAK ka si mbështetje vetëm qytetarin”, shtoi Kadilli.
