Një shtetas 41-vjeçar nga Kosova ka përfunduar në pranga pasi ka tentuar të kalonte në Pikën Kufitare të Morinës një shumë parash të padeklaruara. Gjatë kontrollit fizik, autoritetet doganore kanë gjetur në pronësi të tij shumën prej 13.420 eurosh, e cila u sekuestrua në cilësinë e provës materiale.
Policia Kufitare e Kosovës ka referuar materialet në Prokurori, ku është nisur një procedim penal për veprën penale “Mosdeklarimi në kufi i të hollave dhe i sendeve me vlerë”.
Njoftimi:
Specialistët për Hetimin e Krimeve të Policisë Kufitare referuan materialet në Prokurori, ku nisi procedimi në gjendje të lirë për shtetasin kosovar V. Z., 41 vjeç, banues në Kosovë, për veprën penale “Mosdeklarimi në kufi i të hollave dhe i sendeve me vlerë”.
Procedimi penal për këtë shtetas nisi pasi në hyrje të RSh-së, gjatë kontrollit fizik shtetasit V. Z., shërbimet e Policisë i gjetën 13 420 euro, të cilat nuk i deklaroi konform ligjeve në fuqi. Paratë u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
