Rusia kaparalajëruar se do hakmerret pasi pretendoi se kishte rrëzuar tetë raketa ATACMS të prodhuara nga SHBA-ja, të lëshuara nga Ukraina të shtunën në mëngjes.
Moska e sheh përdorimin e raketave të tilla, të cilat kanë një rreze veprimi deri në 300 kilometra, si një përshkallëzim të rrezikshëm.
Mbrojtja ajrore e vendit rrëzoi tetë raketat balistike së bashku me 72 drone, tha Ministria e Mbrojtjes e Rusisë.
Ajo shtoi se “këto veprime nga regjimi i Kievit, i cili mbështetet nga perëndimorët, do përballen me hakmarrje”.
Në deklaratë thuhet se disa drone u shkatërruan në rajonin e Leningradit në veriperëndim dhe një në Kursk, ku Ukraina nisi një sulm të befasishëm në fund të verës së kaluar.
Presidenti në largim i SHBA Joe Biden miratoi përdorimin e ATACMS nga Kievi në nëntor – duke thënë se masa vinte pasi Moska pranoi trupat koreanoveriore në luftën e saj ndaj Ukrainës.
Presidenti rus Putin ka kërcënuar se do t’i përgjigjet sulmeve të Ukrainës me raketat ATACMS me raketën e re balistike të Rusisë me aftësi bërthamore “Oreshnik”.
Muajin e kaluar, Putin sugjeroi se raketa mund të qëllohej ndaj kryeqytetit Kiev për të provuar aftësitë mbrojtëse ajrore të armëve të furnizuara nga Perëndimi.
