Ushtria izraelite ka regjistruar grupin e parë prej rreth 50 rekrutësh në brigadën e saj të re ultra-ortodokse pas një vendimi të diskutueshëm për t’i dhënë fund përjashtimit të tyre prej dekadash nga shërbimi.
Deri në fund të ditës, rreth 100 rekrutë shtesë ultra-ortodoksë do regjistrohen për shërbimin rezervë, tha të dielën Forcat e Mbrojtjes të Izraelit (IDF).
“Dy kompanitë e regjistruara sot shënojnë hapin fillestar në krijimin e brigadës ultra-ortodokse, një çast historik i rëndësishëm në zgjerimin e shërbimit të sektorit ultra-ortodoks në IDF, veçanërisht në dritën e nevojave operacionale që lindin nga kërkesat e luftës. ”, thuhet në një deklaratë nga IDF.
Izraeli është kthyer në regjistrimin e hebrenjve ultra-ortodoksë (ose haredi) pas më shumë se një viti lufte kundër Hamasit, Hezbollahut dhe grupeve të tjera të mbështetura nga Irani në Lindjen e Mesme.
Në qershor, Gjykata e Lartë vendosi që hebrenjtë ultra-ortodoksë nuk mund të përjashtoheshin nga shërbimi ushtarak, siç kishin qenë që nga themelimi i Izraelit.
Por masa ka qenë thellësisht jopopullore te komuniteti me përkrahjen e të cilit kryeministri Benjamin Netanyahu mbështetet për koalicionin e tij qeverisës.
Mijëra hebrenj ultra-ortodoksë kanë protestuar kundër draftit dhe disa madje e kundërshtuan atë.
Në nëntor, ushtria izraelite lëshoi 1,126 urdhërarreste për rekrutët që nuk i ishin përgjigjururdhrit.
Shumica dërrmuese e hebrenjve ultra-ortodoksë nuk marrin pjesë në shërbimin e detyrueshëm ushtarak të vendit. Shumë burra Haredi e kalojnë pjesën më të madhe të jetës së tyre të hershme jashtë fuqisë punëtore. Në vend të kësaj ata studiojnë në shkollat fetare të njohura si yeshivas, të cilat ata i shohin si thelbësore për ruajtjen e judaizmit dhe po aq të rëndësishme për mbrojtjen e Izraelit sa edhe ushtria.
Por shumë izraelitë besojnë se të gjithë qytetarët hebrenj duhet të shërbejnë në ushtri, veçanërisht gjatë kohës së luftës.
Ushtria izraelite tha të dielën se do rekrutonte më shumë rekrutë gjatë muajit për t’u bashkuar me ata që tashmë janë rekrutuar në stërvitjen bazë.
“Në përgatitje për krijimin e brigadës, u ndërmor një proces i gjerë përgatitor, i cili përfshinte identifikimin dhe stërvitjen e personelit, përshtatjen e politikave, rinovimin e bazës së stërvitjes dhe rregullimin e saj për të përshtatur mënyrën ultra-ortodokse të jetesës,” tha IDF.
