Dy persona janë arrestuar në lidhje me vrasjen e 33-vjeçarit Ramazan Mataj, ngjarje që ndodhi në Shkodër.
Të arrestuar janë babë e bir, ndërsa janë shoqëruar edhe disa persona të tjerë që mund të kenë dijeni për ngjarjen e rëndë.
Njëri prej të arrestuarve është identifikuar si shtetasi Rrustem Hasa, shkruan BW.
Ramazan Mataj u ekzekutua me breshëri kallashnikovi mbrëmjen e së shtunës në fshatin Dragoç të Postribës në Shkodër, ndërsa ende nuk dihen motivet e krimit.
Policia po vijon hetimet për zbardhjen e plotë të ngjarjes, ndërsa materialet janë dërguar në Prokurorinë e Shkodrës për veprime të mëtejshme.
