Një zjarr i përmasave të mëdha ka përfshirë Kaliforninë në Shtetet e Bashkuara të Amerikës.
Zjarri në Palisades të Paqësorit shpërtheu nga 10 hektarë në më shumë se 2900 hektarë brenda pak orësh. Pamjet tregojnë lagje të përfshira nga flakët dhe banorë që lënë makinat e tyre për t’u larguar nga zjarri.
Departamenti i Zjarrfikësve në Los Angeles ka bërë thirrje për ndihmë shtesë nga zjarrfikësit jashtë detyrës.
Një zjarr i dytë shpërtheu më vonë gjatë natës mbi Altadena, pranë Kanionit Eaton, rreth 40 km në brendësi të Palisades. Ky zjarr gjithashtu po përhapet me shpejtësi. Për më tepër, shumë banorë në qarkun e Los Anxhelosit janë pa energji elektrike. Disa shkolla kanë njoftuar mbyllje për shkak të erërave të forta dhe ndërprerjeve të energjisë.
Për këtë situatë, është shpallur gjendja e jashtëzakonshme dhe presidenti Joe Biden ka miratuar përdorimin e fondeve federale për të mbështetur zonat e prekura./BBC
