Kryeministrja e Italisë, Giorgia Meloni, ka marrë pjesë në nënshkrimin e një marrëveshjeje trilaterale mes Shqipërisë, Italisë dhe Emirateve të Bashkuara Arabe për prodhimin e energjisë së gjelbër.
Ky projekt ambicioz synon krijimin e një lidhjeje energjetike që do të mundësojë furnizim të dykahshëm me energji.
Në fjalën e saj, Meloni theksoi rëndësinë e kësaj marrëveshjeje, duke e cilësuar si një hap konkret drejt ndërtimit të një infrastrukture më efikase dhe konkurruese.
“Është një infrastrukturë që synojmë ta bëjmë me efikase dhe më konkurruese. Jam jashtë masë e gëzuar, ashtu sic e shpalli dhe Edi që të nënshkruaj partneritetin strategjik për të nisur një projekt ambicioz mes dy brigjeve të Adriatikut.
Është një angazhim i rëndësishëm për të prodhuar energji të gjelbër në Shqipëri dhe për të ekspertuar një pjesë në Itali përmes një kabulli nënujor.
Jam krenare për këtë nismë sepse tregon në mënyrë të prekshme forma bashkëpunimi.
Është një hap konkret drejt një lidhje globale e aftë për të furnizuar me energji në mënyrë të dykahshme.
E dimë që jetojmë në një epokë komplekse shënuar nga transformime të forta. Kemi një zgjedhje që mund të bëjmë, ose mund të vuajmë nga këto transformimi ose ti interpelojmë si mundësi. Duhet të zgjedhim të dytën dhe ta ndjekim me kurajo pa asnjë frikë”, tha Meloni.