Presidenti rus Putin dhe presidenti kinez Xi Jinping diskutuan të martën se si të ndërtojnë lidhjet me Donald Trump, perspektivat për një marrëveshje paqeje për t’i dhënë fund luftës në Ukrainë dhe mbështetjen e vendosur të Moskës për pozicionin e Pekinit ndaj Tajvanit.
Xi dhe Putin, të cilët folën për rreth 90 minuta përmes një videotelefonate, pasi Trump u betua si president i SHBA-së të hënën, propozuan një thellim të mëtejshëm të partneritetit strategjik midis vendeve të tyre.
Kina dhe Rusia deklaruan një partneritet “pa kufij” në shkurt 2022 kur Putin vizitoi Pekinin, disa ditë para se të dërgonte dhjetëra mijëra trupa në Ukrainë. Putin muajt e fundit e ka përshkruar Kinën si një “aleat”.
Putin, 72 vjeç, duke folur nga rezidenca e tij në Novo-Ogarevo jashtë Moskës dhe Xi, 71 vjeç, duke folur nga Salla e Madhe e Popullit në Pekin, e quajtën njëri-tjetrin “miq të dashur” dhe Xi i tha Putinit për një telefonatë që kishte pasur me Trump të premten lidhu me TikTok-un, tregtinë dhe Tajvanin.
Xi dhe Putin “kanë treguar një gatishmëri për të ndërtuar marrëdhënie me Shtetet e Bashkuara mbi një bazë të ndërsjellme të dobishme, me respekt të ndërsjellë, nëse ekipi i Trump tregon vërtet interes për këtë,” u tha gazetarëve në Moskë ndihmësi i Kremlinit për politikën e jashtme, Yuri Ushakov.
Ushakov tha se Putin dëshiron paqe afatgjatë në Ukrainë, jo një armëpushim afatshkurtër, por çdo marrëveshje duhet të marrë parasysh interesat e Rusisë. Asnjë propozim specifik për një telefonatë me Trump nuk është marrë, tha ai.
Trump ka thënë se do jetë i ashpër ndaj Kinës dhe do flasë me Putinin për përfundimin e luftës në Ukrainë. Në komentet për gazetarët pas betimit të tij, Trump tha se Putini duhet të bëjë një marrëveshje për t’i dhënë fund luftës sepse konflikti po shkatërronte Rusinë.
Xi ka bërë thirrje për bisedime për t’i dhënë fund luftës në Ukrainë dhe ka akuzuar SHBA-në për nxitjen e luftës me furnizimet me armë të Kievit.
