Gjiganti i tregtisë elektronike Amazon.com po largohet nga operacionet e tij në Quebec, Kanada, duke çuar në humbjen e rreth 1700 vendeve të punës me kohë të plotë, tha një zëdhënës i kompanisë të mërkurën.
Shitësi me pakicë në internet do ndërpresë operacionet në shtatë pika në province gjatë dy muajve të ardhshëm.
Ai do kthehet te modeli i ofrimi të mallrave nga palët e treta, duke u mbështetur në bizneset e vogla lokale, të ngjashme me qasjen e tij përpara vitit 2020.
“Pas një rishikimi të kohëve të fundit të operacioneve tona në Quebec, ne kemi parë se kthimi në një model shpërndarjeje të palëve të treta do na lejojë të ofrojmë edhe më shumë kursime për klientët tanë,” tha zëdhënësja e Amazon, Barbara Agrait.
Lëvizja do prekë gjithashtu rreth 250 punëtorë sezonalë. Amazon do t’u ofrojë punonjësve të prekur një paketë që përfshin pagën deri në 14 javë dhe “përfitime kalimtare siç janë burimet e punësimit”, shtoi Agrait.
Në maj, punëtorët e magazinës Amazon të përfaqësuar nga sindikata kanadeze e punës Confédération des syndicats nationalaux (CSN) u bashkuan me sindikatat, duke përmendur pakënaqësinë me pagat dhe masat e papërshtatshme të shëndetit dhe sigurisë në objekte.
CSN, e cila përfaqëson 300 punëtorë në pikën në veri të Montrealit, tha në një deklaratë të mërkurën se vendimi i Amazon nuk kishte kuptim biznesi dhe drejtpërsëdrejti synon depon e vetme të unionizuar të kompanisë në Kanada.
“Nuk ka dyshim se mbylljet e shpallura sot janë pjesë e një fushate kundër sindikatave e kundër punonjësve të CSN dhe Amazon,” tha presidentja e CSN Caroline Senneville në një deklaratë në gjuhën frënge.
“Kjo lëvizje bie ndesh me dispozitat e Kodit të Punës të Kebekut, të cilin ne do ta kundërshtojmë fuqishëm,” shtoi Senneville, pa dhënë specifika të menjëhershme.
