Kreu i Partisë Republikane Fatmir Mediu ka takuar në Uashington ish-ndihmës Sekretarin e Mbrojtjes Ian Berzezinki, kreun e Komitetit të Helsinkit dhe disa kongresmenë amerikanë.
Mediu, i cili ndodhet në një vizitë në SHBA shkruan se me kongresmenët amerikanë Robert Aderholt, John Moolenaar, Troy Nehls, Barry Laudermilk, Gregory Meeks e Jonathan Jackson, ka diskutuar gjendjen e vështirë në Shqipëri për shkak të krimit të organizuar, korrupsionit dhe shkatërrimit të parlamentarizmit nga qeveria e kryeministrit Rama si dhe luftës së qevrisë së tij për të shkatërruar e përçarë opozitën me të gjitha mënyrat.
Mediu thekson gjithashtu se qeveria Rama po përdor drejtësinë kundër opozitës si dhe manipulon në mënyrë të vijueshme zgjedhjet.
“Washington DC: Kongresi Amerikan
Në mbyllje të vizitës në Washington zhvillova takim në Këshillin e Atlantikut me mikun tim Ian Berzezinski ish ndihmës sekreatri Amerikan i Mbrojtjes dhe një nga ideatorët e iniciativës së 3 deteve, e cila është një nga inciativat më të rëndësishme infrastrukturore, energjitike dhe teknologjike e mbështetur nga Presidenti Trump.
Mbylla takimet në Kongresin Amerikan me Kongresmenët republikan dhe demokrat
Me kryetarin e Komitetit të Helsinkit Joe Wilson dhe Kongresmenët Robert Aderholt bashkëkryetar i grupit për Shqipërinë, kongresmenin John Moolenaar Kryetar i Komitetit të vecantë për politikat me Kinën dhe komitetit për Sigurinë. Me Kongresmenin e Teksasit Troy Nehls dhe Kongresmenin Barry Laudermilk të shtetit të Georgias kryetar i nënkomisjonit për zgjedhjet.
Me Kongresmenët Demokrat anëtar të Komisjonit të Jashtëm Gregory Meeks drejtuesi më i lartë demokrst në Komisjonin e Jashtëm dhe Kongresmenin Jonathan Jackson
Në këto takimi shpjegova situatën e vështirë që kalon Shqipëria për shkak të krimit të organizuar dhe korrupsionit, shkatërrimit të parlamentarizmit nga qeveria Rama, luftës permanante të qeverisë për të shkatërruar dhe përcarë opozitën me të gjitha mjetet dhe përdorimin politik të drejtësisë kundër opozitës si dhe manipulimit të vazhdueshëm të zgjedhjeve.
Me Senatorin e Oklahomës James Lankford dhe bashkëshorten e tij Cindi Lankford morëm pjesë së bashku në një nga aktivitetet mbas inagurimit të Presidentit Trump.” – shkruan Mediu.
