Google është në përputhje me veprimin ekzekutiv të Presidentit Trump që e riemëroi Gjirin e Meksikës në Gjirin e Amerikës. Së shpejti, ndryshimi i emrit do shfaqet në Google Maps.
Në një postim në X, Google shpjegoi se ka një “praktikë të gjatë të aplikimit të ndryshimeve të emrave kur ato janë përditësuar në burimet zyrtare të qeverisë”. Emri do ndryshohet kur përditësohet Sistemi i Informacionit Gjeografik, një bazë të dhënash qeveritare me emrat dhe të dhënat e vendndodhjes.
Google do ndryshojë gjithashtu emrin e malit McKinley, majës më të lartë të vendit, nga Denali që është tani. Ish-presidenti Barack Obama e riemëroi pikën referuese të Alaskës në Denali në vitin 2015 si një shenjë për popullsinë vendase të rajonit.
Të dyja ndryshimet rrjedhin nga një veprim ekzekutiv që Trump nënshkroi pak pasi mori detyrën javën e kaluar, duke thënë se ndryshimet “nderojnë madhështinë amerikane”.
“Është në interesin kombëtar të promovohet trashëgimia e jashtëzakonshme e kombit tonë dhe të sigurohet që brezat e ardhshëm të qytetarëve amerikanë të festojnë trashëgiminë e heronjve tanë amerikanë”, thuhet në urdhrin ekzekutiv. Urdhri kritikoi vendimin e Obamës për të riemërtuar McKinley si “një fyerje për jetën e Presidentit McKinley, arritjet dhe sakrificën e tij”.
