Mijëra protestues u mblodhën në Los Anxhelos të Kalifornisë, Salem të Oregonit e qytete të tjera të dielën për të denoncuar masat e administratës Trump kundër emigracionit të parregullt, përfshirë operacionet e dëbimit dhe politikat më të rrepta kufitare.
Demonstrata e mbajtur në tregun historik meksikan, pa pjesëmarrësit të marshonin në autostradën 101, duke ndaluar përkohësisht trafikun.
Protestuesit brohorisnin slogane dhe mbanin pankarta me mesazhe kundër Presidentit Donald Trump.
Departamenti i Policisë së Los Anxhelosit (LAPD) paralajmëroi banorët për mbylljen e rrugëve, duke thënë në mediat sociale se protesta ishte e paautorizuar.
Los Angeles, ku një në tre banorë është emigrant, është shtëpia e afërsisht 3.6 milionë emigrantëve, 79% e të cilëve janë nga Meksika dhe Amerika Qendrore.
Protesta vjen mes tensioneve në rritje mbi politikat e emigracionit të shpallura së fundmi nga Trump.
Më 20 janar, Trump njoftoi heqjen e aplikacionit CBP One, i cili lejonte migrantët të aplikonin për hyrje të ligjshme në SHBA.
Për më tepër, Shërbimit të Emigracionit dhe Doganave të SHBA-së (ICE) iu dha autoriteti më 22 janar për të arrestuar emigrantë të parregullt në ose afër vende të ndjeshme si kisha, spitale dhe shkolla.
Një masë e fundit legjislative e Trump, “Akti Laken Riley”, u lejon agjentëve kufitarë të ndalojnë emigrantët e përfshirë në krime pa një urdhër gjykate.
Trump ka urdhëruar gjithashtu përgatitjen e një objekti në Gjirin e Guantanamos për të mbajtur deri në 30,000 emigrantë.
