Firmoset pakti në Spanjë për Kongresin Botëror të Ligjit, që do mbahet në vitin 2027 në Tiranë.
Për vizitë me këtë qëllim ndodhet në vendin iberik vetë kryeministri Edi Rama, i cili pati edhe takim zyrtar me mbretin e Spanjës.
Në konferencën për mediat që u mbajt, nga paneli ku ndodhej, foli kryeministri Edi Rama, i cili u shpreh se Shqipëria është vend mikpritës dhe do kërkojë Kupën e Botës në mikpritje më 2027 kur të mbahet Kongresi i Drejtësisë, duke kujtuar se po atë vit mbahet edhe Samiti i NATO-s dhe Kampionati Europian U-21.
Rama duke iu përgjigjur pyetjeve shtoi se Shqipëria dikur ishte monizëm dhe një vend i zymtë si Korea e Veriut, ndërsa tani ajo është e para për siguri në Evropë.
Një pjesë e fjalës së Edi Ramës:
“Shteti i të drejtës të jetë një mënyrë jetesë, në një shoqëri demokratike. Do bëjmë gjithçka të jemi mikpritës të shkëlqyer dhe të mposhtim atë të vendeve të tjera më parë dhe pretendojmë Kupën e Botës në mikpritje dhe duhet t vërtetojmë këtë. Të gjithë këtu, gazetarët, janë të ftuar të vijnë në Shqipëri dhe se do të donin të riktheheshin po të vinin. Duam të tregojmë se jemi mikpritës për këdo. Ju falënderoj dhe është vërtetë nder, që jeni këtu, që respektoni vendin tonë, në të gjitha nivelet, që jemi këtu dhe takuam edhe mbretin dhe që është më e mir që mund të gjesh”.
Pyetje: Çfarë do të thotë për ju që do mirëprisni Shoqatën Botërore e Juristëve më 2027
“Ne po mirëpresim shumë evente, që do ishin të paimagjinueshme shumë vite më parë. Do jetë jo vetëm e Kongresit Botëror të Drejtësisë, por edhe Samiti i NATO-s dhe finalet Europiane 2027 U-21 për futboll. Këto janë gjëra të paimagjinueshme e të bukura që po na ndodhin.
Ishim të izoluar si Korea e Veriut e Europës vite më parë, mendonim se ishim vendi i vetëm më i mirë në botë komunist, kishim vetëm 5 mijë turistë dhe tani kemi 12 milionë. Na u desh të luftonim me një stigmë ndër vite, ku Shqipëria ishte një vend i zymtë, si vend kriminel, hajdutë, i keq, ku askush nuk duhet të shkonte, por tani kjo ka marë fund dhe të gjithë mrekullohen nga bukuria, mikpritja.
Shqipëria tani është vendi më i sigurt në Europë, e kjo sipas shifrave zyrtare. Shqipëria ka numrin më të ulët të vjedhjeve në Europë.
Ne jemi vend i krishter, muslimanësh, ortodoksësh, po feja jonë është mikpritja.
Kujtoj edhe ndeshjen Shqipëri-Spanjë në Kampionatin Europian, kur tifozët shqiptarë duartrokitën në fund Spanjën edhe pse humbën dhe tifozën spanjollë u habitën se pse na duartrokasin kur humbëm”.
