Të paktën tetë operatorë ekonomikë nuk kanë të drejtë të marrin pjesë në tendera nga institucionet që financohen me para publike pas vendimit të Agjencisë së Prokurimit Publik.
Lista e rishikuar në mënyrë periodike nga APP tregon se vetëm në janar janë tre operatorë të cilëve ju është kufizuar pjesëmarrja në procedura prokurimi me afat që fillon nga 6 muaj në gati 2 vjet.
Operatorët e tjerë të cilët janë pjesë e kësaj liste janë me vendime të vitit 2024, por kufizimi i tyre për të qenë aktivë në prokurime zgjat përtej këtij viti.
Por cilët janë në fakt operatorët sipas listës së bërë publike dhe afati i kufizimit të tyre?
Operatori ekonomik “EMKO përjashtohet – 15muaj duke filluar nga data 28.03.2024-28.06.2025.)
Operatori ekonomik “Glori Projekt” përjashtohet – 18 muaj (duke filluar nga data 26.06.2024 -26.12.2025)
Operatori ekonomik “Albaphoto” shpk, , përjashtohet – 2vjet (duke filluar nga data 25.11.2024 – 25.11.2026).
Operatori ekonomik “Green Line” shpk, 6 muaj (duke filluar nga data 18.12.2024 – 18.06.2025).
Operatori ekonomik “I-Fire” shpk, 12 muaj (duke filluar nga data 30.12.2024 – 30.12.2025).
Operatori ekonomik “ABI CONS” shpk, përjashtohet – 6 muaj duke filluar nga data 10.01.2025 – 10.06.2025).
Operatori ekonomik “LelMedical” shpk, përjashtohet 12muaj (duke filluar nga data 20.01.2025 – 20.01.2026).
Operatori ekonomik “Avia Center” shpk, 2 vjet (duke filluar nga data 30.01.2025 – 30.01.2027).
Arsyet e përjashtimit
APP herë pas herë analizon dhe u bën thirrje operatorëve për të pasur kujdes lidhur me detyrimet kontraktuale si dhe deklarimet që bëjnë.
Sipas kuadrit ligjor masa e përjashtimit për operatorët mund të vijë si efekt i mospërmbushjes së detyrimeve kontraktuale si efekt i keqinformimit për qëllime kualifikimi apo rastet konstatimit të dokumenteve me të dhëna të rreme të tilla si certifikatat apo vërtetimet e paraqitura për përmbushjen e kritereve të veçanta për kualifikim.
VINI RE: Ky material është pronësi intelektuale e Monitor
