Një shpërthim gazi në një qendër tregtare në Tajvan të enjten vrau të paktën pesë persona dhe plagosi disa të tjerë, sipas autoriteteve.
Videot dramatike të shpërthimit në qytetin e Taichung, në bregun perëndimor të ishullit, treguan mbeturina dhe panele të mëdha të pjesës së jashtme të një ndërtese. Pamjet e xhiruara nga kalimtarët e rastit treguan rrugën poshtë të mbushur me mbeturina dhe dy viktima të dukshme në dysheme.
Shpërthimi ndodhi mesditën në katin e 12-të të një qendre tregtare popullore.
Të paktën pesë persona kanë vdekur dhe 20 të tjerë janë plagosur, sipas agjencisë së zjarrfikësve. Rreth 235 persona u evakuuan nga ndërtesa dhe zona.
Videot treguan panele dritaresh që binin mbi trotuaret dhe rrugët poshtë, ku makinat qëndronin në trafik, me tymin që dilte nga kati i 12-të. Pamjet e tjera nga brenda qendrës tregtare treguan mure të dëmtuara si pasojë e shpërthimit.
