Në Gaza, po bëhen përgatitje për të festuar lirimin e 333 të burgosurve palestinezë që u arrestuan nga forcat izraelite gjatë operacioneve ushtarake në Rripin e Gazës. Sipas Zyrës së Mediave të të Burgosurve Palestinezë, gjithsej 369 palestinezë do të lirohen sot, përfshirë 36 të dënuar me burgim të përjetshëm dhe 333 të arrestuar pa akuza që nga sulmet e 7 tetorit 2023.
Megjithatë, fati i mijëra të tjerëve të arrestuar pas 7 tetorit mbetet i panjohur. Umm Jihad Al-Maghribi, një grua palestineze, shprehu shqetësimin e saj pasi djali i saj, Hassan, u arrestua nga forcat izraelite në nëntor 2023 në lagjen Al-Zaytoun, në jug të qytetit të Gazës. Ajo tha për BBC se nuk e pa emrin e djalit të saj në mesin e të liruarve dhe shpreson të marrë informacion nga ata që janë liruar.
“Unë nuk di asgjë për fatin e tij. Gruaja e tij lindi një djalë pesë muaj pas arrestimit të tij dhe ai nuk e ka parë kurrë. Shpresoj vetëm të dëgjoj ndonjë lajm për të,” tha Umm Jihad.
