I dërguari amerikan për operacione të posaçme, Richard Grenell, ka uruar popullin e Kosovës për 17-vjetorin e Pavarësisë, por njëkohësisht ka ngritur shqetësimin për atë që ai e cilëson një “padrejtësi të madhe” – burgimin e ish-presidentit Hashim Thaçi në Hagë.
Ai theksoi se ky moment historik është lënë në hije nga mungesa e Thaçit, të cilin e cilësoi “atin themeltar të shtetësisë së Kosovës”.
“I uroj të gjithë miqve të mi në Kosovë një festë të gëzueshme dhe të sigurt në 17 vjetorin e pavarësisë së tyre.
“Megjithatë, ky moment historik është lënë në hije nga një padrejtësi e madhe. Ati themeltar i shtetësisë së Kosovës, presidenti Hashim Thaçi, do të duhej të festonte sot në Prishtinë jo mbrapa grilave në Hagë.
Evropianët nuk kanë arritur të veprojnë kundër kësaj padrejtësie në 5 vitet e fundit. Dhe institucionet shtetërore të Kosovës kanë dështuar të ndërmarrin veprimet e nevojshme ligjore për t’i dhënë fund kësaj padrejtësie – për shkak të politikës.
Ky burgim i padrejtë duhet të marrë fund”, është shprehur Grenell.
I wish all my friends in #Kosovo a joyous and safe celebration on the 17th anniversary of their independence.
However, this milestone is overshadowed by a grave injustice. The founding father of Kosovo’s statehood, President Hashim Thaçi, should be celebrating today in Pristina…
— Richard Grenell (@RichardGrenell) February 17, 2025
