Një nga drejtuesit e Hamasit, Khalil al-Hayya, deklaroi se grupi militant do të lirojë gjashtë pengje izraelite të gjalla të shtunën, si pjesë e një shkëmbimi me qindra të burgosur palestinezë të mbajtur nga Izraeli.
Fillimisht pritej që të liroheshin tre pengje, por Hamas nuk ka dhënë sqarime për ndryshimin e planit.
Nga 33 pengjet e parashikuara për t’u liruar në fazën e parë të marrëveshjes trefazëshe të armëpushimit, 19 tashmë janë liruar, ndërsa Izraeli thotë se tetë prej tyre janë të vdekur, sipas The Guardian.
Kështu, gjashtë personat që do të lirohen të shtunën janë të fundit në listën e kësaj faze të marrëveshjes.
Sipas raportimeve të *Times of Israel*, mes pengjeve që do të lirohen janë dy izraelitë, Avera Mengistu dhe Hisham al-Sayed, të cilët janë mbajtur në robëri për më shumë se një dekadë.
