Etna është vullkani më i lartë dhe më aktiv i Evropës dhe kohët e fundit ka shfaqur truket e tij të zakonshme e mbresëlënëse të hedhjes së hirit dhe mbeturinave vullkanike në ajër. Pamjet e reja mahnitëse kapën llavën që rrjedh poshtë anëve të mbuluara me borë të vullkanit, duke e shkrirë atë ndërsa kalon.
Nuk është për t’u habitur që mali Etna, i vendosur në ishullin mesdhetar të Siçilisë, të shpërthejë. Që nga 11 shkurti, një çarje e re është hapur në kraterin jugperëndimor Bocca Nuova me rrjedha të shumta llave që kalojnë nëpër të, shkruan IFL. Etna shpërthen shpesh, kështu që nuk ka rrezik të menjëhershëm për lagjet që rrethojnë vullkanin.
Në fakt, turistët dhe alpinistët kanë vërshuar në zonë për të kapur pamjen e shpërthimit të fundit mbresëlënës me disa madje duke bërë ski poshtë borës pranë llavës.
Pavarësisht kësaj, Agjencia Italiane e Mbrojtjes Civile ka paralajmëruar njerëzit që të qëndrojnë larg zonave të rrezikshme pranë rrjedhjes së llavës për arsye sigurie.
Aeroporti në Catania, qyteti i dytë më i madh i Siçilisë, ka devijuar dhe anuluar fluturimet për shkak të përhapjes së resë së hirit.
Në korrik 2024, krateri Voragine shpërtheu dhunshëm me shtëllunga hiri që arrinin afro 4,500 metra lartësi.
