Dinamo triumfoi 0-4 ndaj Skënderbeut në Korçë, siguruar kështu një vend në gjysmëfinalet e Kupës së Shqipërisë. Pavarësisht disavantazhit 2-0 nga ndeshja e parë, kryeqytetasit arritën të përmbysin rezultatin.
Skuadra e Ilir Dajës kaloi në avantazh pas një autogoli të Nastos, i cili devijoi topin në rrjetë pas një krosimi të Dejvi Bregut. Më pas, Dinamo përfitoi nga një situatë e rrëmujshme në zonë, duke barazuar rezultatin e përgjithshëm me golin e Mandelës, i cili nuk gaboi nga afër.
Në shtesë, Qardaku ndezi festën me një gol që i dha epërsinë Dinamos, ndërsa në minutën e 115-të, Zabërgja vulosi fitoren me një tjetër gol, duke thelluar diferencën.
Me këtë fitore, Dinamo siguron një vend në gjysmëfinale, me synimin për të shkuar deri në fund të këtij rrugëtimi.
