Presidenti i Francës ka reaguar pas përplasjes publike mes Presidentit të SHBA-ve Donald Trump dhe atij të Ukrainës, Volodomir Zelenksy.
Emanuel Makron shkroi në X se është Rusia agresori dhe Ukraina viktima duke shtuar se vendosja e sanksioneve ishte e drejtë dhe kjo do vijojë të bëhet.
“Rusia është agresori dhe Ukraina është viktima e agresionit. Ishim të drejtë kur e ndihmuam Ukrainën dhe vendosëm sanksione ndaj Rusisë tre vjet më parë – dhe duhet të vazhdojmë ta bëjmë këtë.”-shkruan Makron.
Në mbështetje të Zelenskyt ka dalë edhe Kryeministri i Polonisë, Donald Tusk.
Shkurtimisht ai shkroi “Të dashur miq ukrainas, ju nuk jeni vetëm”.
Përplasja mes Donald Trump dhe Volodymyr Zelensky zgjati rreth 20 minuta në Zyrën Ovale.
