Ministri i Ekonomisë, Kulturës dhe Inovacionit, Blendi Gonxhja, deklaroi se TEDA Tiranë është një projekt ambicioz që do të krijojë rreth 7 mijë vende pune me paga të larta.
Gjatë ceremonisë së nënshkrimit të marrëveshjes mes “TEDA Tiranë” dhe kompanisë izraelite “H.A.P.I Advanced Technologies LTD”, ai theksoi se investimi pritet të arrijë vlerën e 100 milionë eurove.
Përveç TEDA Tiranë, ministri njoftoi edhe projektin Durana, që do të krijojë 5 mijë vende pune, duke u shndërruar në një tjetër pol zhvillimi ekonomik.
Sipas tij, mbi 50 kompani vendase dhe të huaja kanë shprehur interes për t’u bërë pjesë e këtyre zonave ekonomike.
“TEDA Tiranë është një fryt i bashkëpunimit të qeverisë dhe MEKI dhe bashkisë së Tiranës, falë të cilit një kthim gjigand deri dje një hapësirë djerrë po transformohet në një zonë që që nxit zhvillimin ekonomik dhe teknologjik si dhe punësimin në shkallë të gjëra. TEDA Tiranë nuk është i vetmi projekt ambicioz.
TEDA Tiranë është sot është pjesë e një vizioni dhe realiteti të ri ekonomik që bazohet tek nevoja për prodhim eficent, forcë pune të kualifikuar dhe ekosistem konkurrues.
Shqipëria nuk është më vendi që pret skllavo-pronarë që duan thjesht të shfrytëzojnë punonjësit për dy lekë pagë. Punojmë për jetësimin e politikave ekonomike që mundësojnë krijmin e vlerave të shtuara, më shumë vende puna, ulje të importeve.
Falë këtij investimi që deri në fund pritet të arrijë vlerën e gati 100 mln euro, do të krijojmë kushte për të zhvilluar industri, si ajo automotive, farmaceutike, industri robotike etj. TEDA Tiranë pritet të gjenerojë rreth 7 mijë vende pune dhe me paga të larta.
TEDA Tiranë nuk është e vetmja, do të jetë edhe Durana që do jetë një pol zhvillimi. Mbi 50 kompani vendase dhe të huaja kanë shprehur interes për të qenë pjesë. Durana pritet të krijojë 5 mijë vende punë”, u shpreh ministri.
