Presidenti amerikan Trump, zëvendëspresidenti Vance dhe presidenti i Ukrainës Zelensky u përplasën ashpër gjatë takimit të tyre në Zyrën Ovale ku diskutuan për t’i dhënë fund luftës Rusi-Ukrainë.
Në një çast të përplasjes zb.presidenti Vance iu drejtuar Zelensky-t duke e quajtur mosmirënjohës dhe mosrespektues teksa e pyeti “nëse i kishte thënë ndonjëherë faleminderit gjatë takimit”.
Mes vizitës së Zelenskyt në Shtëpinë e Bardhë, Vance tha se një rrugë për të siguruar paqen midis Rusisë dhe Ukrainës ishte përmes angazhimit të SHBA-së në diplomaci.
“Z. President, me respekt, mendoj se është mungesë respekti për ju që të vini në Zyrën Ovale për të tentuar ta diskutoni këtë para mediave amerikane”, tha Vance duke iu drejtuar Zelenskyt.
“Po flas për diplomacinë që do ndalë shkatërrimin e vendit tuaj. Me gjithë respektin z.president, mendoj se është mungesë respekti të vini e tra siskutoni këtë gjë në sytë e publikut. Tani për tani, ju djema po shkoni vërdallë dhe po detyroni rekrutët të shkojnë në vijën e parë të frontit sepse keni probleme me fuqinë ushtarake. Ju duhet të falënderoni presidentin që u përfshi në këtë luftë.” – tha Vance, para se Zelensky t’i kundërpërgjigjej.
“A keni qenë ndonjëherë në Ukrainë që të thoni se çfarë problemesh kemi?” – tha Zelensky.
“Unë në fakt i kam shikuar dhe parë historitë dhe e di që ajo që ndodh është që ju sillni njerëz, i sillni në një turne propagandistik,” vijoi Vance.
“Z. President. A nuk jeni dakord që keni pasur probleme me rekrutimin e njerëzve në ushtrinë tuaj? Dhe a mendoni se është tregues respekti të vini në Zyrën Ovale të Shteteve të Bashkuara të Amerikës dhe të sulmoni administratën që po përpiqet të parandalojë shkatërrimin e vendit tuaj?”
Zelenskyy vijoi duke thënë se nën luftë, “të gjithë kanë probleme, madje edhe ju” dhe se SHBA-ja nuk ndjen për momentin luftën pasi ka një oqean të madh n mes po se do e ndjejë luftën “në të ardhmen”.
“Ju nuk e dini këtë,” u përgjigj Trump ndërsa Zelensky iu drejtua duke i thënë: “Zoti ju bekoftë Trump.”
“Mos na tregoni se çfarë do ndjejmë. Ne po përpiqemi të zgjidhim një problem. Mos na tregoni se çfarë do ndjejmë ne,” vijoi Trump.
“Ju nuk jeni në gjendje ta diktoni këtë, mbani mend këtë,” tha Trump, ndërsa Zelensky u mbrojt duke thënë se ai thjesht po i përgjigjej pyetjeve të Vance.
“Ndjej se do ndihemi shumë mirë, shumë të fortë”, tha Trump.
“Tani nuk je në një pozitë shumë të mirë. E ke lejuar veten të jesh në një pozitë shumë të keqe. Ju nuk i keni letrat e dujhura. Me ne, ju d filloni të keni mundësinë të luani sërish në tavolinë” vijoi Trump, ndërsa Zelesnky tha: “Unë nuk jam duke luajtur letra.”
“Po, ju jeni duke luajtur letra,” tha Trump më tej.
“Ju jeni duke luajtur kumar me jetën e miliona njerëzve. Ju jeni duke luajtur kumar me Luftën e Tretë Botërore. Ju jeni duke luajtur kumar me Luftën e Tretë Botërore. Dhe kjo që po bëni është shumë mosrespektuese ndaj vendit, këtij vendi.”
Vance ndërhyri, duke e pyetur Zelenskyn nëse ai “ka thënë faleminderit një herë gjatë gjithë takimit”.
“Ju shkuat në Pensilvani dhe bëtë fushatë përDemokratët në tetor, por mund të thoni disa fjalë vlerësimi për Shtetet e Bashkuara të Amerikës dhe presidentin që po përpiqet të shpëtojë vendin tuaj”, vazhdoi Vance.
Udhëheqësi i Ukrainës argumentoi se Vance po fliste “me zë të lartë”, përpara se Trump të përgjigjej se Vance nuk po fliste me zë të lartë.
“Vendi juaj është në telashe të mëdha”, tha Trump.
“Prisni një minutë. Jo, ju keni thënë shumë fjalë. Vendi juaj është në telashe të mëdha.”
Trump i tha më tej Zelenskyt se nuk do ishte aq i fortë nëse nuk do kishte pasur ndihmën e SHBA-së.
“Nuk do tregoheshe i fortë nëse nuk do kishe pasur ndihmën e SHBA-së. Duhet të bësh një marrëveshje ose ne do tërhiqemi dhe nëse do tërhiqemi atëherë do e shohësh vetë se çfarë do ndodhë. Nuk mendoj se do jetë e këndshme ajo që do zbulosh.” – tha Trump.
Trump: Ne ju dhamë, nëpërmjet këtij presidenti budalla, 350 miliardë dollarë. Ne ju dhamë pajisje ushtarake. Dhe ju u takuat me guxim, por ata duhej të përdornin ushtrinë tonë. Nëse nuk do të kishit pajisjet tona ushtarake, nëse nuk do të kishit pajisjet tona ushtarake, kjo luftë do të kishte përfunduar për dy javë.
Zelensky: Për tre ditë. E kam dëgjuar nga Putini. Në tre ditë.
Trump: Kjo është diçka në dy javë.
Zelensky: Sigurisht, po.
Trump: Do të jetë një gjë shumë e vështirë të bësh biznes si ky. po ju them.
JD: Thjesht thuaj faleminderit.
Zelensky: E kam thënë gjatë gjithë kohës.
JD: Prano mosmarrëveshjen. Dhe le të shkojmë t’i ngremë ato mosmarrëveshje në vend që të përpiqemi t’i luftojmë ato në mediat amerikane kur e keni gabim. E dimë që e keni gabim.
Trump: Por e shihni, unë mendoj se është mirë që populli amerikan të shohë se çfarë po ndodh. Mendoj se është shumë e rëndësishme. Prandaj e vazhdova kaq gjatë. Problemi është… Unë të kam fuqizuar të jesh një djalë i ashpër. Dhe nuk mendoj se do të ishe një djalë i ashpër pa Shtetet e Bashkuara. Dhe njerëzit tuaj janë shumë të guximshëm. Por ju ose do të bëni një marrëveshje ose ne jemi jashtë. Dhe nëse ne jemi jashtë, ju do ta luftoni atë. Unë nuk mendoj se do të jetë e bukur, por ju do ta luftoni atë. Por ju nuk i keni kartat. Por sapo ta nënshkruajmë atë marrëveshje, ju jeni në një pozitë shumë më të mirë. Por ju nuk jeni aspak mirënjohës. Dhe kjo nuk është një gjë e bukur. Unë do të jem i sinqertë, kjo nuk është një gjë e mirë.
Pas përballjes Donald Trump ka raguar në rrjetin Truth për debatin me tone të larta.
“Kemi pasur një takim shumë të rëndësishëm në Shtëpinë e Bardhë sot. U mësua që shumë gjëra nuk mund të kuptoheshin kurrë pa një bisedë nën një zjarr dhe presion të tillë. Është e mahnitshme ajo që del nëpërmjet emocionit, dhe kam arritur në përfundimin se Presidenti Zelensky nuk është gati për Paqe nëse Amerika është e përfshirë, sepse ai ndjen se angazhimi ynë i jep atij një avantazh të madh në negociata. Unë nuk dua avantazh, dua PAQEN. Ai nuk i respektoi Shtetet e Bashkuara të Amerikës në Zyrën e saj të shenjtë Ovale. Mund të kthehet kur të jetë gati për paqe“-shkruan Trump.
Pas debatit është anuluar konferenca për shtyp dhe Zelensky shihet të largohet nga Shtëpia e Bardhë.
Zelensky udhëtoi për në SHBA të premten për t’u takuar me Trump në Shtëpinë e Bardhë pasi Trump tha të enjten se një negociatë paqeje për t’i dhënë fund luftës midis Ukrainës dhe Rusisë është në fazat e fundit.
Administrata Trump po punon gjithashtu për të nënshkruar një marrëveshje me Ukrainën që do t’i lejonte SHBA-së qasjen në mineralet e Ukrainës në këmbim të mbështetjes që SHBA i ka ofruar kombit që nga shpërthimi i luftës në 2022, si pjesë e marrëveshjes së paqes.
VINI RE: Ky material është pronësi intelektuale e Fox
Përgatiti për Hashtag.al, Klodian Manjani
