Izraeli bllokoi hyrjen e kamionëve me ndihma në Gaza të dielën pasi një përplasjeje me Hamasin për armëpushimin që ka ndalur luftimet për gjashtë javët e fundit.
Zyra e kryeministrit i Netanyahu tha më herët se kishte miratuar një propozim nga i dërguari i presidentit amerikan Donald Trump, Steve Witkoff, për një armëpushim të përkohshëm në Gaza për periudhat e Ramazanit dhe Pashkës, disa orë pasi skadoi faza e parë e armëpushimit të rënë dakord më parë.
Nëse bihet dakord, armëpushimi do ndalonte luftimet deri në fund të periudhës së agjërimit të Ramazanit më 31 mars dhe festës së Pashkës hebreje rreth 20 prillit.
Armëpushimi do kushtëzohej nga Hamasi që të lironte gjysmën e pengjeve të gjallë dhe të vdekur në ditën e parë, ndërsa pjesa tjetër do lirohet në përfundim, nëse arrihet një marrëveshje për një armëpushim të përhershëm.
Hamasi thotë se është i përkushtuar ndaj armëpushimit të rënë dakord fillimisht që ishte planifikuar të kalonte në një fazë të dytë, me negociata që synojnë një fund të përhershëm të luftës dhe ka hedhur poshtë idenë e një zgjatje të përkohshme të armëpushimit 42-ditor.
Burimet egjiptiane thanë të premten se delegacioni izraelit në Kajro kishte kërkuar të zgjaste fazën e parë me 42 ditë, ndërsa Hamasi dëshironte të kalonte në fazën e dytë të marrëveshjes së armëpushimit. Zëdhënësi Hazem Qassem tha të shtunën se grupi hodhi poshtë “formulimin” e Izraelit për zgjatjen e fazës së parë.
Në fazën e parë të armëpushimit, Hamasi dorëzoi 33 pengje izraelite si dhe pesë tajlandezë të kthyer në një lirim të paplanifikuar, në këmbim të rreth 2,000 të burgosurve dhe të paraburgosurve palestinezë nga burgjet izraelite dhe tërheqjen e trupave izraelite nga disa prej pozicioneve të tyre në Gaza.
Sipas marrëveshjes fillestare, faza e dytë kishte për qëllim të shihte fillimin e negociatave për lirimin e 59 pengjeve të mbetura, tërheqjen e plotë të trupave izraelite nga Gaza dhe një fund përfundimtar të luftës.
Megjithatë bisedimet nuk filluan kurrë dhe Izraeli thotë se të gjithë pengjet e tij duhet të kthehen për të ndaluar luftimet.
“Izraeli nuk do lejojë një armëpushim pa lirimin e pengjeve tanë”, tha zyra e Netanyahut, duke njoftuar se hyrja e të gjitha mallrave dhe furnizimeve në Rripin e Gazës do ndalohej.
Hamasi e ka denoncuar veprimin e Izraelit si “shantazh” dhe një “grusht shteti të hapur kundër marrëveshjes”.
“Ne u bëjmë thirrje ndërmjetësve që të bëjnë presion mbi pushtuesit iIzraelitë për të përmbushur detyrimet e tij sipas marrëveshjes, në të gjitha fazat e saj,” tha grupi, shkruan Reuters.
