Policia e Shtetit ka pezulluar tre efektivët që akuzohen për trafik droge e që u prangosën gjatë operaconit të SPAK-ut mbrëmjen e djeshme.
Po kështu ndaj tyre ka nisur edhe hetimi disiplinor.
Tre efektivët u arrestuan pasi akuzohen për trafikimin e kanabisit me vlerë 1.7 milionë euro drejt Greqisë.
“Bazuar në nenin 121 të Ligjit 82/2024 “Për Policinë e Shtetit” dhe në nenin 222 të Rregullores së Policisë, ka bërë menjëherë pezullimin pa pagesë të tre punonjësve të policisë, konkretisht: Sh. R., me detyrë Shef i Seksionit për Hetimin e Krimeve në Komisariatin e Policisë Himarë. E.A., me detyrë Shef i Seksionit për Hetimin e Krimeve në Komisariatin e Policisë Lushnjë dhe E.D., me detyrë Shef i Komisariatit të Policisë Kufitare Sarandë, i shpallur në kërkim. Gjithashtu, Drejtoria e Standardeve Profesionale ka nisur hetimin disiplinor për shkelje të rëndë ndaj këtyre punonjësve. Policia e Shtetit vijon bashkëpunimin me të gjitha agjencitë ligjzbatuese për evidentimin dhe largimin nga radhët e saj të punonjësve që cenojnë imazhin e Organizatës së Policisë së Shtetit”, thuhet në njoftimin e Policisë së Shtetit.
