Kryetari i Partisë Demokratike, Sali Berisha, ka denoncuar një seri abuzimesh dhe vjedhjesh nga ana e qeverisë “Rama” lidhur me projektin e ndërtimit të Tunelit të Murrizit.
Gjatë prezantimit të programit për infrastrukturën, ai theksoi se, pas tre vitesh shtyrjesh të vazhdueshme, qeveria tani njofton përurimin e tunelit, pavarësisht problemeve të shumta që e shoqëruan këtë projekt.
Berisha akuzoi qeverinë për një vendim të gabuar, duke shtuar se një kompani daneze e kishte paralajmëruar që shpimi në atë nivel nuk mund të realizohej për shkak të strukturës gjeologjike të zonës, e cila është e pasigurt dhe ka ujëra shumë të thella.
Ai e cilësoi këtë veprim të qeverisë si një tjetër gabim të rëndë, duke theksuar se është e papranueshme që të bëhen studime të tilla pas vendimeve të dëmtuara që shkelin mbi studimet ekzistuese.
Për më tepër, ai kërkoi që çdo hap i mëtejshëm të bëhet vetëm pas një rivlerësimi të plotë dhe studimeve të reja për të siguruar stabilitetin e këtij projekti.
