Kancelari gjerman në pritje, Friedrich Merz, arriti një marrëveshje me të Gjelbërit të premten për një rritje të madhe të huamarrjes shtetërore në ekonominë më të madhe të Evropës, thanë burime pranë bisedimeve, duke bërë që euro të rritet.
Konservatorët e Merz dhe socialdemokratët, të cilët janë në bisedime për të formuar një qeveri pas zgjedhjeve muajin e kaluar, kishin propozuar një fond prej 500 miliardë eurosh për infrastrukturën dhe ndryshime gjithëpërfshirëse në rregullat e huamarrjes për të ringjallur rritjen dhe për të rritur shpenzimet ushtarake.
Të tre palët arritën një marrëveshje të premten, thanë dy burime të afërta me bisedimet, shkruan Reuters.
“Ka një marrëveshje,” tha burimi pasi rrjeti i gazetave gjermane RND kishte raportuar më parë një kompromis. Një burim i të Gjelbërve tha se ata ishin të kënaqur me marrëveshjen.
Një burim i njohur me bisedimet tha se kompromisi përfshin ndarjen e 100 miliardë eurove për fondin e klimës dhe shndërrimin ekonomik.
Marrëveshja e rishikuar e borxhit po shqyrtohet nga zyrtarë të Ministrisë së Financave, thanë dy burime parlamentare. Një burim tjetër tha se disa hollësi ishin ende duke u zbuluar.
Merz dëshiron të sigurojë fondet përpara se të mblidhet parlamenti i ri më 25 mars, ku ata rrezikojnë të bllokohen nga një kontigjent i zgjeruar ligjvënësish të anës djathtë dhe të majtë.
