Një juri në Kaliforni urdhëroi të premten kompaninë Starbucks t’i paguajë 50 milionë dollarë dëmshpërblim një shoferi transporti, i cili u dogj rëndë nga një kapak pijesh të nxehta i mbyllur në mënyrë të papërshtatshme, shkruan CNN.
Michael Garcia po merrte pije gjatë një udhëtimi me makinë në Los Anxhelos kur “pësoi djegie të rënda, shpërfytyrim dhe dëmtim në organet e tij gjenitale kur pijet e nxehta u derdhën në prehrin e tij, sipas padisë së ngritur në Gjykatën e Lartë të Kalifornisë në vitin 2020.
Michael Parker, avokati i Garcias, tha se klienti i tij po merrte tre pije dhe një nga pijet e nxehta nuk ishte futur plotësisht në enë. Kur baristja i dha Garcias porosinë, një pije ra nga mbajtësja dhe mbi Garcian, tha Parker.
Dëmet e Garcias përfshinin dhimbje fizike, ankth, humbje të cilësisë së jetës, poshtërim, shqetësim, pikëllim, shpërfytyrim, dëmtim fizik, ankth dhe shqetësim emocional, sipas një regjistrimi të vendimit nga Courtroom View Network.
Starbucks tha se planifikon të apelojë vendimin.
