Armëpushimi i brishtë i Gazës u thye herët të martën pasi Izraeli kreu ato që i përshkroi si “sulme të gjera” ndaj objektivave të Hamasit, me kryeministrin izraelit Benjamin Netanyahu që u zotua të përdorë “rritje të fuqisë ushtarake” kundër militantëve të Hamasit dhe ministrin e Mbrojtjes, Israel Katz, që deklaroi: “Sonte u kthyem në luftimet në Gaza”.
Hamasi akuzoi Izraelin për thyerjen e marrëveshjes gati dymujore të armëpushimit dhe për “vënien e robërve në Gaza në rrezik të një fati të panjohur”. Izraeli akuzoi Hamasin se “në mënyrë të përsëritur” refuzoi të lirojë pengjet dhe hodhi poshtë ofertat e ndërmjetësimit.
Sulmet e Izraelit kanë vrarë mbi 200 njerëz dhe kanë plagosur qindra të tjerë, sipas Ministrisë së Shëndetësisë të Gazës. Një mjek i tha CNN se skenat në një spital të Gazës ishin tejet të rënda dhe se shumica e rasteve që kishte vizituar ishin fëmijë.
Izraeli u këshillua me administratën Trump përpara sulmeve në Gaza.
“Hamasi, Houthit, të gjithë ata që kërkojnë të terrorizojnë jo vetëm Izraelin, por edhe Shtetet e Bashkuara të Amerikës, do paguajnë një çmim tejet të rëndë”, tha sekretarja e shtypit e Shtëpisë së Bardhë Karoline Leavitt.
251 persona u rrëmbyen nga Izraeli në sulmin e udhëhequr nga Hamasi më 7 tetor 2023. Nga gati 60 pengjet e mbetura në Gaza, më pak se gjysma besohet të jenë gjallë.
Që nga e marta, më shumë se 48,500 njerëz në Gaza janë vrarë prej 7 tetorit 2023 dhe më shumë se 112,000 janë plagosur.
