Kryeministri Edi Rama dhe Lulzim Basha kanë vijuar shkëmbimet ironike në rrjetet sociale edhe sot, duke publikuar video dhe duke përdorur batuta ndaj njëri-tjetrit.
Në një postim të fundit, Rama e ka ironizuar Bashën për projektin e tramvajit të Tiranës, që nuk u realizua kurrë, duke theksuar se ai duhet të reagojë pasi data 11 maj po afron.
Përmes një serie mesazhesh, të dy politikanët kanë vijuar replikat me tone tallëse dhe thumbuese. Rama ka ironizuar Bashën për pozicionin e tij politik, ndërsa ky i fundit e ka akuzuar për pengimin e ndërtimit të tramvajit për arsye korruptive.
Kryeministri ka vijuar më tej duke përmendur historitë e mëparshme të Bashës dhe duke përqeshur pretendimet e tij për mbështetje ndërkombëtare.
Replikat e tyre në rrjetet sociale kanë tërhequr vëmendjen e publikut, duke u bërë temë diskutimi mes ndjekësve të tyre.
