Një ngjarje e rëndë është shënuar në Volkovë të Shkupit, me pasojë vdekjen e dy personave dhe plagosjen e një tjetri.
Sipas Alsat, një qiramarrës ka qëlluar disa herë pronarin e shtëpisë ku jetonte dhe ka plagosur djalin e tij të mitur.
Pas krimit të rëndë, ai i ka dhënë fund jetës duke qëlluar veten.
“Rreth orës 09:00 në SPB Shkup është denoncuar se në fshatin Vollkovë të rajonit të Shkupit ka pasur të shtëna me armë zjarri, me ç’rast janë plagosur disa persona. Në vendngjarje kanë mbërritur efektivët e policisë dhe është konstatuar se R.C. dhe M.N. nga plagët e marra kanë vdekur në vendngjarje.
Një mjek i urgjencës konstatoi vdekjen. I plagosur ka mbetur edhe një i mitur i cili është transportuar për mjekim në Kompleksin Klinikë “Nënë Tereza”. M.N. është autor i mundshëm i vrasjes”, thonë burimet nga ministria e Punëve të Brendshme.
