Presidenti i Ukrainës Zelensky parashikoi vdekjen e presidentit rus Putin “së shpejti”, duke thënë se pushtimi i vendit të tij më pas do duhej të përfundonte.
Pushtimi rus i Ukrainës nuk mundi t’i mbijetojë vdekjes së kreut të shtetit, tha Zelensky për televizionin francez. Kjo do ndodhë së shpejti, tha ai.
Zelensky tha: “Ai do vdesë së shpejti, ky është një fakt, dhe gjithçka do përfundojë. Gjithçka mund të përfundojë para kësaj…Unë jam më i ri se Putini, kështu që vendoseni bastin mbi mua. Perspektivat e mia janë më të mira.”
Pretendime të përsëritura janë bërë në lidhje me shëndetin e Putinit gjatë rrjedhës së luftës, me pohimet se ai ka një sërë sëmundjesh nga Parkinsoni te kanceri.
Nuk është hera e parë që presidenti Zelensky e lidh drejtpërdrejt rezultatin e luftës me vdekjen e presidentit Putin. Breitbart News raportoi në vitin 2022, në ditët e para të konfliktit, se Zelensky po fliste në intervistë me David Letterman, i cili e pyeti udhëheqësin ukrainas: “Le të themi se Putini u sëmur shumë keq dhe vdiq… a do vazhdonte pushtimi?“.
Asokohe, si tani, Zelensky e bëri të qartë pikëpamjen e tij se qeveria e Rusisë është ajo që mbështetet, me sa duket, në forcën e personalitetit të Putinit dhe nëse ai personalisht do hiqej nga ekuacioni, atëherë Rusia do të ndryshonte papritur dhe financiarisht. Ai tha në vitin 2022: “Jo. Nuk do kishte luftë… kur një person i tillë largohet, institucionet ndalojnë. Kjo është ajo që ndodhi në Bashkimin Sovjetik. Gjithçka u shemb. Dhe kjo është arsyeja pse unë mendoj se nëse ai largohet, do jetë e vështirë për ta. Ata do të duhet të merren me politikën e tyre të brendshme dhe jo me çështje të jashtme.”
