Zëdhënësja e Departamentit Amerikan të Shtetit Tammy Bruce, në një intervistë në Fox News ka paralajmëruar të gjithë personat vizëmbajtës që të mos shkelin rregullat ndryshe do përballen me pasoja.
Sipas saj deri më tani nuk është respektuar ligji dhe nëse personat janë kundër interesave të SHBA-ve atëherë institucionet do marrin masa.
“Ne kemi të drejtë të vendosim se kush vjen në vendin tonë. Dhe kjo është ajo që ka të bëjë me sistemin tonë të pasaportave. Bëhet fjalë për amerikanët, për ardhjen dhe shkuarjen. Vendet e tjera kanë rregullat e tyre. Dhe pastaj ju doni të hyni këtu, padyshim që ne i duam njerëzit në mbarë botën. Ky komb është rezultat i njerëzve që duan një jetë më të mirë dhe vazhdon të jetë. Por ajo që ne nuk duam përfitohet në atë avantazh. Dhe nëse na gënjeni duke ardhur në vend, ose nëse filloni të bëni gjëra që janë kundër interesave të Amerikës, që janë të natyrës kriminale, ne do të marrim masa. Gjatë viteve të fundit kjo nuk ka qenë e dukshme. Duket se nuk ka pasur ligj dhe rregull. Por rregullat janë rikthyer dhe ato janë shumë themelore, dhe kjo është në mënyrë që populli amerikan të ketë pak më shumë ndjeshmëri se si do të duket jeta e tyre në fund të ditës, për të pasur më shumë siguri. Kjo është vetëm siguri, siguri dhe prosperitet. Kjo është ajo që ne i detyrohemi popullit amerikan. Dhe kur Amerika është më e fortë, pjesa tjetër e botës bën më mirë”-tha Bruce.
#securingusborders https://t.co/jDM8H8CSFh
— U.S. Embassy Tirana (@USEmbassyTirana) March 29, 2025
Parlajmërimi i Bruce në intervistë është shpërndarë edhe nga Ambasada e SHBA-ve në Tiranë.
Më herët Ambasada ka shpërndarë edhe një njoftim që është në një linjë me deklaratën e zëdhënëses së Departamentiit të Shtetit.
Në deklaratë janë të gjitha ndëshkimet që i presin të gjithë ata që shkelin rregullat.
“Të gjithë aplikantët për vizë duhet të dëshmojnë se kualifikohen për një vizë në mënyrë që të vijnë në Shtetet e Bashkuara. Kjo përfshin qëllimin për të qenë në përputhje me ligjet tona. Nëse gënjeni për të marrë një vizë, punoni në mënyrë të paligjshme ose qëndroni në Shtetet e Bashkuara pas skadimit të vizës ose programit të udhëtimit pa vizë, do të përballeni me ndëshkime serioze. Këto përfshijnë burgimin, dëbimin dhe ndalimin e përhershëm të marrjes së vizës amerikane në të ardhmen”-thuhet në njoftimin e Ambasadës.
