Krerët e juntës ushtarake në Mianmar lejuan qindra punonjës nga ekipet e huaja të shpëtimit ndërkohë që tërmeti i fuqishëm me mangitudë 7.7 la pas mbi 1600 viktima deri tani.
Tërmeti i së premtes, ndër më të mëdhenjtë që goditi kombin e Azisë Juglindore shekullin e kaluar, gjymtoi aeroportet, urat dhe autostradat mes një lufte civile që ka shkatërruar ekonominë dhe ka zhvendosur miliona.
Numri i të vdekurve në Mianmar është 1,644deri tani, tha qeveria ushtarake të shtunën, shkruan Reuters.
Në Tajlandën fqinje, ku tërmeti tronditi ndërtesat dhe rrëzoi një rrokaqiell në ndërtim në kryeqytetin Bangkok, të paktën nëntë persona humbën jetën.
Në Bangkok të shtunën, operacionet e shpëtimit vijuan në vendin e shembjes së kullës 33-katëshe, ku 47 persona ishin të zhdukur ose të bllokuar nën rrënoja, përfshirë punëtorë nga Mianmari.
Modelimi parashikues i Shërbimit Gjeologjik të SHBA-së vlerësoi se numri i të vdekurve në Mianmar mund të kalonte 10,000 dhe humbjet mund të tejkalonin prodhimin vjetor ekonomik të vendit.
