Miliarderi Elon Musk, ka reaguar pas vendimit të gjykatës franceze që ndalon Marine Le Pen të kandidojë për presidente në vitin 2027, pasi ajo u shpall fajtore për përvetësim të fondeve të BE.
Në një postim në Platformën X, Musk shkroi:
“Kur e majta radikale nuk mund të fitojë përmes votës demokratike, ata abuzojnë me sistemin ligjor për të burgosur kundërshtarët e tyre.”
Musk ka shprehur vazhdimisht mbështetjen e tij për partitë e ekstremit të djathtë, si Alternativa për Gjermaninë (AfD), përpara zgjedhjeve kombëtare të shkurtit.
Liderja e partisë franceze të ekstremit të djathtë, Rally National (RN), u shpall fajtore më 31 mars për përvetësim të fondeve publike. Gjykata vendosi që ajo nuk mund të mbajë poste publike për pesë vjet, duke i hequr të drejtat politike me efekt të menjëhershëm, çka e përjashton nga zgjedhjet e ardhshme.
Le Pen është dënuar gjithashtu me katër vite burg, dy prej të cilave me kusht dhe dy me arrest shtëpie, si dhe me një gjobë prej 100 mijë eurosh.
Së bashku me të, gjykata shpalli fajtorë edhe tetë eurodeputetë të partisë së saj për përvetësim të 474,000 eurove, ndërsa dymbëdhjetë ndihmës eurodeputetësh u dënuan për pranimin e fondeve të paligjshme. Të gjithë të përfshirët humbin të drejtën për t’u zgjedhur në poste publike.
When the radical left can’t win via democratic vote, they abuse the legal system to jail their opponents.
This is their standard playbook throughout the world. https://t.co/FgmgeyQ2rp
— Elon Musk (@elonmusk) March 31, 2025
