Ish-presidenti amerikan, Donald Trump, ka reaguar ashpër pas deklaratave të presidentit rus, Vladimir Putin, i cili kritikoi udhëheqjen e presidentit ukrainas, Volodymyr Zelenskyy, dhe sugjeroi krijimin e një qeverie kalimtare në Ukrainë.
Në një intervistë për NBC News, Trump tha se ishte “shumë i zemëruar” për këtë situatë dhe paralajmëroi masa të ashpra nëse ai rikthehet në pushtet.
“Nëse Rusia dhe unë nuk arrijmë një marrëveshje për ndalimin e gjakderdhjes në Ukrainë dhe nëse e shoh që faji është i Rusisë që mund të mos jetë por nëse e mendoj kështu, do të vendos tarifa dytësore për naftën,” deklaroi Trump.
Sipas tij, kjo do të thotë se çdo vend që blen naftë nga Rusia nuk do të mund të bëjë biznes në SHBA. “Do të ketë një tarifë prej 25% deri në 50% për të gjithë naftën ruse,” shtoi ai, duke paralajmëruar një qasje të ashpër ndaj Moskës nëse ai rikthehet në Shtëpinë e Bardhë.
