Mbretëria e Bashkuar është “përgatitur për të gjitha ngjarjet” sa i përket tarifave të afërta të SHBA-së, duke mos përjashtuar asnjë përgjigje, ka thënë Keir Starmer para deputetëve, përpara të ashtuquajturës ditë e çlirimit e Donald Trumpit, e cila mund të shkaktojë një luftë tregtare globale, përcolli The Guardian.
Starmer tha se ndërsa po shqyrtohen të gjitha opsionet, ai do të shmangte reagimet e nxituara.
Në hapjen e fjalimit të tij në Dhomën e Komunave, Starmer deklaroi:
“Le të jem i qartë me Dhomën, një luftë tregtare nuk është në interesin e askujt, dhe vendi meriton, dhe ne do të ndjekim, një qasje të qetë dhe pragmatike.
Kjo është arsyeja pse bisedimet konstruktive po ecin përpara për të arritur një marrëveshje më të gjerë të prosperitetit ekonomik me SHBA-në. Kjo është arsyeja pse ne po punojmë me të gjitha industritë dhe sektorët që ka të ngjarë të preken. Vendimi ynë do të udhëhiqet gjithmonë nga interesat tona kombëtare, dhe prandaj jemi përgatitur për të gjitha eventualitetet, duke mos përjashtuar asgjë.”
Badenoch e akuzoi atë për një “dështim në negociata” për faktin se nuk ka arritur ende një marrëveshje më të gjerë tregtare me SHBA-në që mund të anashkalonte disa ose të gjitha tarifat, por Starmer e hodhi poshtë këtë pretendim.
“Është e rëndësishme në momente si ky të mos kemi reagime të nxituara, por të jemi me të vërtetë të qetë dhe të matur në këtë çështje”, u shpreh ai.
Starmer gjithashtu hodhi poshtë një thirrje nga lideri i Liberal Demokratëve, Ed Davey, për të imituar negociatat e Ukrainës dhe për të krijuar “një koalicion ekonomik të gatshëm” që do të përgjigjej në masë ndaj çdo tarife amerikane. Kryeministri tha se kjo ishte një përpjekje e Davey-t për ta “tunduar të bëj një zgjedhje të gabuar midis marrëdhënies sonë me SHBA-në dhe marrëdhënieve tona me vende të tjera, veçanërisht Evropën.”
Që nga marrja e detyrës, Trump ka tronditur tregjet globale të aksioneve dhe ka shkaktuar shqetësim mes liderëve të biznesit duke shpallur dhe më pas duke shtyrë planet për të vendosur tarifa mbi importet e huaja. Kërcënimet kanë tensionuar marrëdhëniet midis SHBA-së dhe partnerëve të saj më të mëdhenj tregtarë. Kryeministri i Kanadasë, Mark Carney, i ka quajtur tarifat “të pajustifikuara” dhe ka thënë se vendi i tij do të reagojë me forcë. BE-ja ka deklaruar se ka një “plan të fortë” për të kundërpërgjigjur.
