Sekretari i Shtetit Rubio u zotua të premten se SHBA-ja duhet “të rivendosë rendin global të tregtisë” dhe se presidenti Trump ka “krejt të drejtën për ta bërë këtë”.
Rubio, duke folur në selinë e NATO-s në Bruksel, e bëri vërejtjen pasi u përball me pretendimin e një gazetari se ekonomitë botërore po “goditen” në vazhdën e tarifave të administratës Trump, shkruan Fox.
“Ne duhet të ishim një vend që mendojmë se jemi tregu më i madh i konsumit në botë, dhe megjithatë e vetmja gjë që eksportojmë janë shërbimet dhe ne duhet ta ndalojmë këtë,” tha Rubio.
“Duhet të kthehemi në kohë ku mund tëbëjmë shumë gjëra, dhe për ta bërë këtë, ne duhet të rivendosim rendin global të tregtisë.”
“Presidenti me të drejtë ka arritur në përfundimin se gjendja e tanishme e tregtisë globale është e keqe për Amerikën dhe e mirë për një grup njerëzish të tjerë. Dhe ai do i rivendosë rregullat ka absolutisht të drejtën ta bëjë,” shtoi Rubio.
Sekretari i Shtetit tha se “gjëja më e keqe” që mund të bëjë SHBA është ta lërë sistemin e tregtisë globale “siç është tani “.
“Thjesht nuk mund të vazhdojë. Ne nuk mund të vazhdojmë të jemi një vend që nuk prodhin asgjë. Ne duhet të jemi në gjendje të bëjmë gjëra për të siguruar vende pune për amerikanët… është kaq e thjeshtë,” tha ai.
“Merrni Kinënsi shembull. Ata nuk konsumojnë asgjë. Gjithçka që ata bëjnë është të eksportojnë, përmbytin dhe shtrembërojnë tregjet.”
