Gjykata ka vendosur sot zgjidhjen përfundimtare të martesës mes presidentit të Partisë së Lirisë, Ilir Meta, dhe deputetes Monika Kryemadhi.
Çifti, i martuar që nga tetori i vitit 1998, ka tre fëmijë: Bora, Besar dhe Era.
Padia për divorc u ngrit nga Ilir Meta, i cili ndodhet aktualisht në qeli prej 21 tetorit 2024.
Sipas avokatit Genc Gjokutaj, gjykata mori vendimin vetëm mbi objektin e zgjidhjes së martesës, pas shqyrtimit të shkaqeve dhe dokumentacionit përkatës.
“Kjo është thjesht me një objekt, për zgjidhjen e martesës. Dhe gjykata pasi ne parashtruam shkaqet e zgjidhjes së martesës, administroi edhe aktet shkresore dhe mori vendimin për zgjidhjen e martesës mes paditësit Ilir Meta dhe të paditurës Monika Kryemadhi”, tha avokati i Metës, Genc Gjokutaj.
