Siria mund të jetë pranë njohjes së shtetësisë së Kosovës, të nxitur nga ndikimi i fortë diplomatik i Turqisë, vlerësojnë ekspertët e marrëdhënieve ndërkombëtare.
Një tregues i qartë për këtë qëndrim të ri është fakti që presidenca siriane i është referuar Vjosa Osmanit si “presidentja e Republikës së Kosovës”, një formulim që sugjeron një hap drejt njohjes zyrtare.
Presidentja Osmani dhe homologu i saj sirian, Ahmed al-Shaara, u takuan për herë të parë në Antalia, Turqi – një zhvillim i rëndësishëm që shënon komunikimin e parë në nivel kaq të lartë mes dy vendeve.
Gjatë takimit, ishin të pranishëm flamujt e të dyja shteteve, ndërsa edhe llogaria zyrtare e presidencës siriane përdori termin “Republika e Kosovës” në komunikimet publike, duke shtuar më tej spekulimet për një njohje të afërt diplomatike.
