Kryeministri Edi Rama, në hapjen e fushatës elektorale të Partisë Socialiste për zgjedhjet e 11 majit, u shpreh se kjo është një betejë vendimtare për të ardhmen e Shqipërisë.
Ai tha se vendi nuk mund të mbetet më si “një vend i dorës së dytë”, por duhet të ecë drejt barazisë së plotë me vendet e Bashkimit Europian.
Kreu i qeverisë theksoi se Shqipëria e sotme nuk ka asnjë ngjashmëri me atë që trashëgoi kur mori detyrën.
Ai ironizoi retorikën e opozitës dhe mediave pranë saj, duke thënë se “vetëm në kënetën e opozitës situata paraqitet më keq se kur PS mori qeverisjen”.
“Duam t’i japim fund historisë së një populli të mbetur padrejtësisht si një vend i dorës së dytë e ti dorëzojmë pasaportën u nuk ka dallim me qytetarët e BE.
Shqipëria sot nuk është gjëkundi njëlloj me atë që ishte me atë kur morëm detyrën. Vetëm në kënetën e opozitës dhe mediave rreth saj, situata qenka me keq se ccisht kur në morëm detyrën. Por Shqipëria sot nuk do të jetë gjëkund krahasuar me atë të 2030.
Mbase edhe këneta do të jetë tharë deri atëherë. Por kjo është e vetmja gjë që e ka në dorë pakica e jo shumica e shqiptarëve.
Na familjen e BE askush nuk vë në pikëpyetje barazinë para ligjit, të cilët ne e kemi sjellë për herë të parë si zhvillim konkret real në jetën shqiptare.
Kurrë s’ka pasur kurrë drejtësi të pavarur. Ndaj edhe që nga 1912 nuk ka pasur kurrë asnjë individ të veshur me pushtet që është hetuar apo dënuar nga prokurorë e gjykatës të pavarur.
Barazinë e pavarur s’mund ta lëmë në duart e qeverive por qytetarët ta marrin vetë në dorë duke nisur nga 11 maji ku zgjedhja nuk është mes ca partie, pra mes Shqipërisë 2030 në BE dhe Shqipërisë sërish në gropë!
Me ne ose me kënetën madhështore dhe shitësit e qilimave rreth tij.
