Përfaqësuesit rusë dhe ukrainas do zhvillojnë bisedime të drejtpërdrejta në Ankara javën e ardhshme, ka raportuar CNN Turk, duke cituar burime në Ministrinë turke të Mbrojtjes.
Delegacionet nga të dy vendet do takohen për të diskutuar sigurinë në Detin e Zi, tha gazeta të dielën.
Takimet do zhvillohen të martën dhe të mërkurën në selinë e Forcave Detare Turke në Ankara, sipas burimeve.
Gjatë bisedimeve midis ekspertëve rusë dhe amerikanë në Riad në fund të marsit, u ra dakord të lëvizet drejt ringjalljes së Nismës së Detit të Zi, e cila sipas Kremlinit, duhet të përfshijë heqjen e kufizimeve perëndimore kundër Bankës Bujqësore Ruse dhe institucioneve të tjera financiare të përfshira në shitjen ndërkombëtare të ushqimit dhe plehrave, shkruan Rt.
Një armëpushim detar shihet nga Moska dhe Uashingtoni si një hap drejt zgjidhjes diplomatike të luftës së Ukrainës.
Nisma për Drithërat e Detit të Zi, e ndërmjetësuar fillimisht në korrik 2022 nga OKB-ja dhe Turqia, parashikoi kalimin e sigurt të prodhimeve bujqësore ukrainase në këmbim të heqjes së kufizimeve nga SHBA dhe BE ndaj eksporteve ruse të grurit dhe plehrave. Moska u tërhoq nga marrëveshja një vit më vonë, duke përmendur dështimin e Perëndimit për të mbajtur detyrimet e tij.
